مقارنة بين الأجيال

(بقلم) أ.د.وفاء محمد محمد مصطفى

مركز بحوث الآمان النووي و الإشعاعي

هيئة الطاقة الذرية المصرية

للوصول لجميع مقالاتى بموقع المجلة السابق من هنا

وللوصول لجميع مقالاتى بالموقع الجديد من هنا

مقارنة بين الأجيال

1- جيل التسعينات

رجعونا للتسعينات وسيبونا هناك.... رجعونا نستني جرس الباب ورجوع بابا من الشغل والبيت كلة بيتغدي في نفس الوقت.

رجعونا نصيف ونتمشي ف السوق بالليل واللي ياجر عجل واللي بيشتري ايس كريم وصوت شريط عمرو دياب اللي لسة نازل جديد شغال ف كل محل

رجعونا نفرح بجزمة المدرسة الجديدة والوان الجلاد

رجعونا نقلب التلفزيون بايدينا وحد يقوم يقلب القناة

رجعونا لرمضان نشوف الفوازير ومن بعدها المسلسل واليوم خلص ننام بقي ونصحي نتسحر

رجعونا للعيد بلبسة الجديد ونلف علي العيلة وعيلة العيلة نلم العدية ونعيد عليهم و نشتري كيس البومب ومسدس الطلق ونظارة الشمس الملونة

رجعونا نستني حد جاب كاميرا وفيلم ٣٦ صورة عشان نتصور ونتفرج علي صورنا وذكرياتنا

رجعونا لجرس تليفون البيت يرن واهالينا واصحابنا بيسالوا علينا♥️♥️

رجعونا للتمنينات والتسعينات وسيبونا هناك 💖💖

×****************

2- الجيل الحالي

كان يوم أسود يوم ما عملوا النت

امبارح الراوتر وقع على الأرض والواى فاي توقف عن البيت كله....

قلت خير وبركة افك شوية من النت .

خرجت من غرفتي وعملت فنجان قهوة وقعدت في الصالة .. شوية ولاقيت ابني خارج من غرفته ، واول ما شافني احضان وبوس وعمل شاى وقعدنا ندردش شوية .. اخبارك ايه يا بني وخطبت ولا لسه وشغال فين و..و...

راح مقاطعنى وقال: سيبك من اخبارى ، حضرتك عامل ايه ، واجازة النهاردة من الشغل ولا مزوغ؟

قلت له : لا ... ده انا طلعت معاش من سنتين ، وانت فين دلوقتى؟ قاللى انا اتخرجت ودخلت الجيش وقربت أخلص.

حضرتك وحشتنى يابابا بس والله شكلك متغيرش كتير عن زمان .. هي بس شوية الشعر الابيض .

المهم ، القعدة طولت وخرج إبني الصغير من اوضته وانضم للقعدة ... شوية وجرس الباب رن لقيت ابني الكبير داخل هو ومراته وابنه الصغير (حفيدي) انا كنت ناسيهم

ما شاء الله ، ابني الكبير اتخرج واشتغل ، وآخر العنقود اللى لسه كنت مقدم له في الحضانه بقي في الاعداديه .

المفاجأة الحلوة بقي لما لاقيت باب غرفة مراتي بيزيق وبيفتح بالعافية ، وشوية ولاقيت مراتي جنبي وهاتك يابوس وعياط... انت هنا في مصر؟ وانا معرفش؟

انا فاكراك لسه في الشغل ..

قلت لها ... انا طلعت معاش من زمان

بس انتى ما شاء الله عليكي وكأن الزمن ملوش دعوة بيكي.

لسه كانت مراتي بتقترح نتغدا سوا بالمناسبة الحلوة دى ، لكن يا خسارة .. اشارة الواي فاي رجعت ، وسلمنا على بعض وكل واحد رجع اوضته .

وانا كنت بافكر ناخد صورة جماعية للذكري

ابنى قال لي مفيش وقت واقترح كل واحد ياخد صورة سلفي لنفسه ويبتعها له ، وبالفوتوشوب هو يبقى يعمل لها مونتاج وتبقى جماعية .